إيهاث -- أحلام الفتاة التائهة: قصص رعب

قصص رعب

بالنسبه للخوف.....فأنا عندي خبره فيه. رح أشارك بشوية قصص علشان تضحك عليه. لما إبديت كتابه علي البلوج الإنجليزي قبل سنه, كنت كل ما أنشر مقاله علي البلوج يكون جسمي بيرجف من الخوف. وبفظل خايفه طول النهار وأفكر في محو المقاله. وأفضل أقول لنفسي إمحي....لأ....ما تمحيش.....إمحي.....لأ....وهكذا لمدة ساعات. طبعاً أنا مش خايفه من الشرطه أو المخابارات في كندا. مش رح ييجي شرطي يطق علي الباب. طيب خايفه من إيش يا ايهاث؟ خايفه من الإحراج العلني. خايفه الناس تضحك عليه. خايفه الكل يحكوا عني إني مجنونه أو هبله أو ...أو...أو. ويكون الإحراج بشكل علني....يعني فظيحه وعليها شهود. في البيت كنت أجنن زوجي...."إيش رأيك في المقاله؟....عن جد بتعتقد إنها مليحه؟....في رأيك أمحيها ولا أخليها؟"....أسأل زعتره زوجي هذه الأسئله يمكن عشر مرات. الله يساعد زعتره علي جنوني. ما بعرف كيف متحملني. بس الحب أعمي. في كل مره يهديني زعتره ويأكدلي أن المقاله مش لازم أمحيها. بعد عدة شهور قدرت إني أتغلب علي هذا الخوف و أكتب بجرأة. أسلوب كتابتي شخصي جداً ولذالك الكتابه شئ مرعب....لأني بزيل الأقنه وبفرجي الناس وجهي الحقيقي. لما بتكون حقيقي مع الناس يتعرض نفسك للهجوم بس من جهه ثانيه بتعطي فرصه للناس الثانيين يكونوا حقيقيين معاك.
في البدايه لم يكن في احد يقرأ البلوج. كنت أقول لنفسي "يلا! أحسن! بلاش فضايح" كان من الأوائل إلي حطوا وصلات لموقعي هو السيد محمود من البحرين ومن بعده السيد اليساري الغير تائب. لازلت اتذكر الشعور لما لقيت اول وصلات ألي موقعي...."واو! في حدا بيقرأ الخرابيش إلي بكتبها....واو!...وكمان عاجبهم"....
اللي شجعني هو ردة الفعل من الناس. لما بتصلني رسائل اللي بتحكيلي عن تجارب مشتركه بشعر...."واو....أنا مش الوحيده إللي بتفكر هيك أو بتشعر مشاعر معينه"...وهاذا بيعطيني شجاعه علشان أكتب.